Gudstenester ute i friluft samla mykje folk både på Utvikfjellet, Bruasætra i Hornindal og Bøasetra i Stryn Skjærtorsdag.

Ein stor kyrkjelyd på om lag 150 frammøtte var samla til påskegudsteneste på Bøasetra. Ein tradisjon som går heilt tilbake til 1948. Elleve av dei om lag 50 konfirmantane i Nedstryn kyrkjelyd var gode medhjelparar til Henny Koppen som er prest. Som forsongarar, tekstlesarar og i tablå gjorde alle sitt til å skape ei fin råme omkring hendingane i Bibelen knytt til påska.