Så endeleg kom sigeren. Etter sju kampar utan poeng var det ein svært glad gjeng som takka publikum etter kampen. 26-20 mot Jotun let seg høyre.

Stryn låg heile vegen nokre mål føre sogningane, og var oppe i åttemåls leiing få minutt før slutt. Kanskje var det heimebana som gjorde utslaget.

-Ja, det er stor skilnad på heimekamp og bortekamp. Her i Stryn er det full tribune, medan borte i Bergen er det kanskje 30 som møter opp, seier ein svært tilfreds trenar, Gunnar Lindal Sigurdsson.

Portugisiske Patricia Correia var tilbake etter ankelskade, og var ein av kampens profilar.

- Ja, denne oppmuntringa trengte laget, seier ho med eit stort smil.