Ekstremveret Tor har nådd kysten, og er truleg venta å slå til med full styrke i 14-tida i dag.
I følgje vermeldingane er det frå i ettermiddag til tidleg natt til laurdag venta vest og sørvest sterk storm på kysten, og kan hende orkan, med vindkast på 35-50 m/s inn over land. Det blir høge bølger inn mot kysten opp mot 13 meter.
- Vi oppmodar kommunane om ta kontakt med lokalt politi, med tanke på å gjere felles vurderingar av den føreliggjande situasjonen og utveksle kontaktinformasjon for helga. Det same bør og vurderast når det gjeld nettselskap for straum, seier fylkesberedskapssjef Haavard Stensvand i ei pressemelding.
Her er klare råd frå Direktoratet for samfunnstryggleik- og beredskap (DSB), politiet og andre naudetatar, om korleis førebu seg på best måte.
- Bind fast alle lause gjenstandar
- Sjekk takrennet og avløp
- Folk bør halde seg innandørs
- Oppdater seg på reiseinformasjon og yr.no
- Det er også meldt om stor snøskredfare