Det var ein strålande glad Johannes Thingnes Bø som kunne ikle seg gulljakka i  målområdet etter at han hadde gått i mål som verdmeister på siste distanse i VM i dag.

- Det har ikkje heilt gått opp for meg enno, sa han til arenaprodusenten etter målgang.

- Eg skal ta på meg skia og ta meg ein runde rundt arenaen for å takke publikum no. Det var de som hjalp meg til gull i dag! sa han med eit strålande smil, før han sprang bort og takka publikum på hovudtribuna.

Etter medaljeseremonien tok han seg tid til å helse heim til Stryn med gullmedaljen, før han hasta vidare til tallause intervju og besøk på kongetribuna.

Seinare kunne TV-sjåarane høyre han takke broren Tarjei som sin viktigaste inspirator og treningspartner, og at han spøkte med kong Harald og prinsesse Astrid på kongetribuna.

- Sei det! sa Johannes på spørsmål om korleis han greidde å vinne gullet, før han la til:

- Eg måtte vise Martin Fourcade at det ikkje er han som er kongen. Det er du!