Oppløftande for Tarjei

Tarjei Bø fekk ein oppløftande 7. plass etter lang tids sjukdom i konkurranse med dei beste 20-21-åringane i landet under dagens skiskyttarsprint over 10 kilometer på Sjusjøen. Tarjei skaut feilfritt på dei to skytingane, noko som vart avgjerande for den gode plasseringa. -Eg opna kontrollert for å vere på den sikre sida og merka at eg mangla eit gir utover i løpet. Det vart slapt i motbakkane, men eg skal ikkje klage. Trass alt var dette det første løpet med maksimalpuls på fire månader, seier Tarjei som er spent på korleis kroppen vil reagere på løpet. Anders Vonheim gjekk inn til 20. plass i den same klassen. Også Eline Fannemel markerte seg sterkt ved å bli nummer sju i kvinneklassen.