– Eg håpar å finne siste biten som manglar og få det til å fly skikkeleg, sa Fannemel til TV2 før konkurransen.
Kvalifisert med god margin
Og etter prøveomgangen på 121,5 meter såg det lovande ut, der 31-åringen enda heilt oppe på 12. plass.
Dessverre var det tilbake til «gamle synder» for honndølen då det verkeleg gjaldt. I duellen mot estiske Artti Aigro nådde Fannemel berre 106 meter, medan duellanten landa på 113,5 meter.
Dermed måtte Fannemel, som vart nummer 46, igjen sjå ein finaleomgang frå tribuneplass.
Dawid Kubacki frå Polen vann rennet. Halvor Egner Granerud, som vann dei to første renna, tok andreplassen. Anze Lanisek, Slovenia, vart nummer tre. Marius Lindvik vart nest beste nordmann på sjetteplass.
Torsdag er det kvalifisering til det siste rennet i hoppveka, i Bischofshofen. Halvor Egner Granerud er i leiinga samanlagt, med polakkane Dawid Kubacki og Piotr Zyla på dei neste plassane. Anders Fannemel ligg på 41. plass i samandraget.