Lokale skiskyttarar stod for ein sterk innsats på normalen under Vestlandsmeisterskapen i Voss i går. I dag er det sprint som står på programmet. Magnar Lødemel, Hornindal skaut feilfritt i går og vann suverent klasse gutar 16 år. Her kom Simon Hjelmeset Kirkeeide på 3. plass.
I klasse gutar 15 år vart det tredobbelt til lokale løparar. Magnus Seljeset, Hornindal var best føre Martin Aaland, Hardbagg og Magnus Midthjell Gjøren, Markane.
Vidare vann Oskar Guddal Breivik, Markane klasse gutar 14 år. Kari Alsaker, Markane kom på 2. plass i jenter 16 etter feilfri skyting, Anne Marie Roset, Markane vart her nummer tre.
I klasse kvinner 18 år kom Ingrid Gausemel, Hornindal inn til 2. plass. Emilie Flo Stavik, Markane fekk tredjeplassen i jenter 13 år. Same plasseringa fekk Gunn Kristi Stensaker Tvinnereim i jenter 14.