Anders Fannemel vart nummer 12 i Innsbruck. Før det avsluttande rennet i Bischofshofen onsdag, ligg den 24 år gamle honndølen på 6. plass i samandraget.
Anders var uheldig med forholda i første omgang. Hoppet på 120 meter gav 9. plass - 12,2 poeng bak leiar Peter Prevc.
- Det var tunge forhold. Eg har gode sjansar til å hoppe meg oppover på resultatlista i andre omgang, uttalte Anders til NRK i pausen. Men det slo ikkje til. Etter hopp på 118,5 meter i andre omgang fall han ned til 12. plass. Med Kenneth Gangnes på 3. og Johan Andre Forfang som nummer 4, vart det likevel ein god norsk dag.
Peter Prevc som tok ein knusande siger i Innsbruck, ligg an til å vinne hoppveka. Den vidare rekkefylgja etter tre av fire renn: Severin Freund, Kenneth Gangnes, Michael Hayboeck, Johan Andre Forfang og Anders Fannemel.