Klart for ei ny utgåve av Oldestafetten

– Vi har litt få påmelde lag pr. no, så vi utvidar påmeldingsfristen litt, seier Geir Flåten i stafettnemnda i Olden.

Vanlegvis kjem påmeldingane heilt på slutten, og Flåten håpar at dei kan få fleire lag på startstreken. Spesielt saknar han lag frå Stryn kommune. 16 stilte til start i fjor, opplyser han.

Det er lagt opp til ministafett for dei yngste, og stafett for gutar og jenter. Det blir også stafettar for damer, herrar, veteran og i Open klasse.

Stafettetappane går både på asfalt, grus, gardsveg og i terrenget.