- Eg er kjempefornøgd. Så god plassering hadde eg ikkje venta på førehand, sa ei sliten og glad Eline Fannemel etter målpassering. 21-åringen frå Hornindal var som vanleg stødig på standplass og pådrog seg berre to tilleggsminutt.

- Spesielt moro å få klaff på heimebane, sa honndalsjenta, som frå før har 12. plass som si beste plassering i senior-NM.

Når det gjeld NM-tittelen, blei det ein kamp først og fremst mellom Julie Bonnevie-Svendsen og Solveig Rogstad. Bonnevie-Svendsen låg heile tida i teten etter feilfri skyting på dei tre første seriane. Men med tre bom på siste skyting, blei det sekundstrid. I mål var 21-åringen frå Nittedal berre 10,9 sekund føre Rogstad.

- Nydelege løyper og topp forhold her på Ullsheim, sa norgemeisteren til Fjordingen like etter målpassering. Julie Bonnevie-Svendsen nølte ikkje med å seie at dette var betre enn det dei møter i enkelte World-Cup renn.

Tora Berger låg på tredjeplass gjennom mesteparten av løpet, og sikra seg bronse. Kjersti Isaksen frå Hammerfest blei nr. 4. Ann-Krinstin Flatland frå Vik blei nr. 5 og Eline Fannemel nr. 6. På plassen bak seg hadde ho Anne Mørkve frå Eldar, som var den einaste som skaut feilfritt.

Sigrid Hjelle frå Stårheim IL blei nr. 17. Marianne Roset, Hardbagg IL var mellom dei som melde forfall.

Resultat finn du her:

Resultat normalprogram kvinner