Stryn kommune har starta prosessen med rullering av Rusmiddelpolitisk handlingsplan 2016-2020.
- Eg vil oppmode om at det vert gjort grundig førearbeid, slik at vi får eit sluttprodukt som styrer Stryn kommune sin alkoholpolitikk på ein betre måte enn det vi har opplevd siste fire åra. Det er viktig å ha ein rusplan som alle kan fylgje, uttalte Astrid Drageset Raftevold (Sp) då helse- og sosialutvalet sende planutkastet ut på høyring.
Fristen for å gje innspel er 26. februar. Alle som har meiningar om Stryn sin alkoholpolitikk, vert oppmoda om å kome med innspel.