Stryn har i år to lag med på Dana cup som blir arrangert i danske Hjørring denne veka.
Denne gongen er det to gutelag som er med, og Stryn stiller eitt lag i gutar 15 og eitt lag i gutar 16-turneringa.
15-årslaget
Begge laga spelar sine innleiande kampar tysdag og onsdag.
Stryn sitt 15-årslag er først ut med kamp mot norske Nord SK tidleg tysdag ettermiddag før dei møter Qormi frå Malta seinare på dagen. Dei avsluttar gruppespelet med kamp mot Sandefjord onsdag ettermiddag.
16-årslaget
Også 16-åringane startar sitt gruppespel mot Nord SK tysdag. Tampa Dynamo frå USA og Gjerdrum IL står på motsett banehalvdel i løpet av onsdagen. Geir Inge Rake og Pål Erik Ytreeide er trenarar for laga.