Av 538 søkjarar er Marit Nordheim Otterdal frå Stryn ein av fem finalistar som kjempar om plassen i Spesialitetsmerket sin fagjury.
Vinnaren skal saman med nokre av landets fremste matfolk vurdere kva produkt som kvalifiserer seg som ein spesialitet.
Folkets representant
Marti Nordheim Otterdal (47) konkurrerer om å bli folkets representant i Spesialitetmerkets fagjury, der sansar, evner og kunnskap må takast i bruk for å vurdere Norges beste lokalmat- og drikke, opplyser Matmerk i ei pressemelding.
Finalen går av stabelen på Norges største matfestival, Matstreif i Oslo. Saman med fire andre finalistar blir Nordheim Otterdal testa innan lukt, smak og matkunnskap. – Då eg så konkurransen tenkte eg med ein gong at det hadde vore utruleg kjekt å få vere med i fagjuryen. Lokal mat med god kvalitet og norske mattradisjonar er noko som interesserer meg stort, derfor synest eg det er ekstra stas å få vere med i finalen, seier Marit Nordheim Otterdal.
Imponerte
Marit Nordheim Otterdal har stor lidenskap for mat og er dagleg leiar for Visnes Hotel. Hotellet har vore i drift sidan 1850, og i dag er bygget verna. Sommarresturanten serverer rettar som er laga av mat frå nærområdet, og er basert på norske mattradisjonar. – Eg ønskjer å framheve den gode lokalmaten Norge har å by på, og inspirere andre til å bruke gode produkt i kvardagsmatlaginga, seier Nordheim Otterdal til Matmerk.
– Finalistane er gode kandidatar til å representere folket i fagjuryen. Vi er imponerte over søknadane deira og gler oss til konkurransen brakar laus på Matstreif om to veker, seier adm.dir. Nina Sundqvist i Matmerk.
Mange matinteresserte
Over 15.000 personar testa sine matkunnskapar gjennom Gourmeteret. Berre dei med høgast poengsum fekk mogelegheit til å søke om å bli folkets matrepresentant. I løpet av to veker er godt over 500 søknadar sendt inn.
Spesialitetsmerket sin fagjury
Matmerk er ei uavhengig stiftting som som skal bidra til auka mangfald, kvalitet og verdiskaping i norsk matproduksjon
Spesialitetsmerket sin fagjury er ei av Matmerk sine faggrupper
Spesialitetsmerket er ei merkeordning som skal vise veg til den unike smaken blant norske matprodukt
Juryen består pr. i dag av:
Lars Sponheim, fylkesmann i Hordaland, bonde og tidlegare landbruksminister
Harald Osa, prosjektleiar i Bama, tidlegare kokk på kokkelandslaget
Halvor Heuch, destillatør og Fagdirektør Brennevin i Arcus
Nils H. Geitle, adm.dir. i de Historiske Hotell og Spisesteder
Aud Kvalvik, rådgivar mat og landbruk i Innovasjon Norge
Britt Kåsin, tidlegare informasjonssjef ved Opplysningskontoret for frukt og grønt
Oda Christensen, matfagleg ansvarleg i Matprat og kokk
Terje Martinussen, adm.dir. i Norges Sjømatråd
Nina Sundqvist, adm.dir. i Matmerk