11. oktober vedtok Stryn formannskap at ei investorgruppe i Olden får kjøpe den 8,5 dekar store sentrumstomta. Gruppa som fekk tilslaget, har planar om å byggje 30 leilegheiter der.
Dei to andre interessentane til arealet klagar no på dette vedtaket. Endre Muri har sagt han skal klage inn vedtaket med grunnlag i at tomta i kommunedelplanen er regulert som næringsareal. Olden Bryggeri AS klagar med same utgangspunkt.
– Vi meiner vedtaket er i strid med teksten i planomtala der det står at 1. etasje skal nyttast til «kontor og/eller forretning/tenesteyting/bevertning». Vi meiner at vår søknad er meir i samsvar med planomtalen og søkjer om at vi får kjøpe tomta vi ønskjer, skriv Olden Bryggeri i si klage.
Dei peikar og på at området var til sals heilt eller delvis i parsellar.
– Hadde ein visst at kommunen ønskte å selje heile området under eitt ville ein nok ha formulert første kjøpssøknad annleis, heiter det av klagen.