Stryn Motorsportklubb hadde søkt om å få overta 8 dekar av det kommunale arealet ved Stryn miljø- og næringspark med hensikt å utvide klubben sine aktivitetar. Onsdag vedtok Stryn formannskap samrøystes rådmannen si positive innstilling til søknaden.
– Anlegget representerer eit alternativt tilbod til born, unge og vaksne som blir sett pris på, og som er med å bidrar til Stryn som ein attraktiv plass å bu, skriv rådmannen som tilrådde at klubben får overta areal H i Stryn Miljø- og næringspark for kr 225 000. Det er atterhald om forkjøpsrett for kommunen ved eventuelt sal av arealet.