Intensjonsplanen som fylkesordførarane frå Sogn og Fjordane, Hordaland og Rogaland har underteikna har møtt motstand frå fleire hald. Også frå fylkesordføraren i Sogn og Fjordane sine eigne partifeller. Både fylkestingspolitikar Aleksander Øren Heen og stortingsrepresentant Liv Signe Navarsete har vore kritiske til den planlagde Vestlandsregionen.
– Du har møtt motbør i eige parti, Jenny Følling?
- No er det slik at eg er fylkesordførar, og eg har gjennomført det oppdraget eit bortimot samrøystes fylkesting gjekk inn for. Vi har framforhandla den avtalen det var muleg å få til med Hordaland og Rogaland, slik vi var pålagde. Dette var oppdraget fylkestinget gav oss. . No går avtalen til poiltisk behandling før han blir lagt fram for fylkestinget for avgjerd.