Det er interessekonfliktar kring kva Oldenleirane i Olden sentrum skal nyttast til. Nyleg vedtok Stryn formannskap at ei investorgruppe i Olden får tilbodet om å kjøpe den 8,5 dekar store tomta i Olden sentrum. Gruppa som fekk tilslaget, beståande av Asbjørn Flåten, Erik Flåten og Andre Oppheim, har planar om å byggje 30 leilegheiter på tomta.
Det var i alt tre interessentar til areal på Oldenleirane, deriblant Endre Muri. Han påklagar vedtaket inn for Fylkesmannen. Etter det Fjordingen kjenner til, er dette fordi han meiner tomta er regulert som næringsareal i kommunedelplanen.
Også Dagfinn Muri uttalar seg om saka i eit lesarinnlegg i dagens avis. Han kritiserar formannskapet si handsaming av saka.
– Vedtaket går på tvers av tidlegare reguleringsplanar for området, og er klart i strid med gjeldande kommunedelplan for Olden, som kommunestyret har vedteke, skriv Dagfinn Muri.