Illustrasjonsfoto med utsikt over Loen og Olden. (Foto: Ole Dag Auflem)

Illustrasjonsfoto med utsikt over Loen og Olden. Foto: Ole Dag Auflem

- Imponerande meteor over Olden

Tredje juledag om kvelden var det fleire som observerte ein stor meteor over Olden.

- Eit imponerande syn, seier Reidar Holen, som fortel at meteoren fòr over himmelen klokka 20.27.

- Det var ei stor, raud, lysande kule med ein glødande hale etter seg, som strauk over himmelen mot nordaust og forsvann over Årheimsfjellet, seier han.

Også Magne Vangberg observerte den store meteoren. Han bur i nærleiken av Aldaheim, og hadde vore ute i bilen og henta noko då han tilfeldigvis snudde seg og såg utover, akkurat i det meteoren kom til syne.

- Eg såg heile ferda frå han gjekk opp over Skarsteinsfjellet og til han forsvann mot aust og ein tanke nord. Det var utruleg imponerande. Eg trudde faktisk først det var eit fly som brann. Dette var så nær og gjekk så sakte at eg har aldri sett maken. Den eldhalen han hadde var så lang at når meteoren kom midt på himmelen, nådde halen halvvegs tilbake til fjellet igjen, om ein skal seie det slik. Det var eit ufatteleg syn. For eit hell at eg snudde meg akkurat då og fekk sjå heile turen over himmelen, frå han dukka opp til han forsvann, seier Magne Vangberg.

Ein meteor er glødende luft og gass som kan sjåast som ei lysstripe på himmelen. Fenomenet opptrer når ein lekam frå verdsrommet, ein meteoride, trengjer inn i jordatmosfæren. Meteorane kan opptre enkeltvis (sporadiske meteorar) eller i meteorsvermar. (Kjelde: SNL)

Meir å lese på Fjordingen:
Siste nyheter

Hornindalsvatnet Maraton

Hafsås vann med ny årsbeste

VIDEO:

Bli med opp til Briksdalsbreen

VIDEO: Bli med Olav Kvame (87) som har over 60 års erfaring med guiding av turistar opp til Briksdalsbreen

Nye framsyningar av utandørs-musikalen Årringar

– Nye grep, men gjenkjenneleg

Andre helga i august kan ein på nytt oppleve musikalen Årringar ved Sagedammen. Stykket er i all hovudsak det same, likeins aktørane som er med, men nye grep frå regissør og koreograf vil likevel gi kjensla av nytt for dei som har sett det før.

Satsar meir på utstilling og botanisk hage

Med både ny dagleg leiar og salgs- og marknadssjef, så er det spennande ting på gang ved nasjonalparksenteret.

Hornindal og Markane skyttarlag

Følg olsokstemne

Olsokstemnet i skyting strekkjer seg over sju dagar, og det innmeldt over 200 skyttar frå alle kantar av landet.