Del 2 av KM i skiskyting skulle opprinneleg ha gått på Ålandsleite komande laurdag. Men grunna dårleg ver med mykje regn ser arrangøren seg nøydd til å flytte rennet.
- Normaldistansen vil gå på Ullsheim, fortel leiar i skiskyttargruppa i Hardbagg IL, Elisabeth Strøm. Ho seier vidare at Hardbagg IL framleis vil stå som arrangør, men at andre klubbar vil hjelpe til.
- Om lag 85 deltakarar er påmeldt til normaldistansen, opplyser Elisabeth Strøm.