Stryn kommune melder på si heimeside at kommunen vurderer flaumsituasjonen fortløpande. Krisestab er også iverksett.
- Det er store skader i Utvik på vegar og eigedom. Dei som er råka langs Storeelva og Brulandselva er evakuerte. Kommunen er i kontakt med NVE om vurdering av skadene og når folk kan flytte tilbake.
Utvik sentrum er isolert, men det er båtar på fjorden og ambulanse står klar.
Fleire område er utan straum i Utvik og Oppstryn, melder kommunen på si heimeside.
