Frå kokegroper til leilegheiter i Bø

Tiltakshavar Halvard Bøe er klar for å starte salet av leilegheiter i det planlagde byggjefeltet Bøahagen rett etter nyttår. Det er gått tre år sidan reguleringsplanen vart godkjend, og tanken var oppstart av prosjektet dette året, men ting har teke tid. Mellom anna er det brukt store midlar på arkeologiske undersøkingar.

- Vi har brukt 1 million på dette. Her vart funne kokegroper som stadfestar at området var attraktivt også for 5.000 år sidan, smiler Bøe.

Utbygginga er tenkt i to trinn, med totalt ca 50 leilegheiter. Det er HS Bygg som er totalentreprenør.

-Når vi har selt 10-12 leilegheiter set vi i gong, seier Bøe.