Stryn kommune har starta prosessen med rullering av rusmiddelpolitisk handlingsplan - dokumentet som m.a. legg sterke føringar på kven som skal få høve til å servere alkohol. Fram til kommunestyret fattar endeleg vedtak i mars/april 2016, vil alle få høve til å gje innspel. I helse- og sosialutvalet kom fram klare ønskje om tydelegare grenseoppgang for å skilje mellom idrett og alkhol.
- Noverande plan seier at det ikkje skal skjenkast alkohol i samband med idrettsarrangement. Men her er det veldig uklare grenser. Er t.d.Stryn Treskifestival eit idrettsarrangement? spurde Inge Arne Bøe (H). Som la til: - Eg ser ikkje på treskifestivalen som eit idrettsarrangement.
Grete Elin Roset (KrF): -Men er ikkje treskifestivalen også for born?
Inge Arne Bøe: - Alkoholserveringa skjer etter at borna er ferdige.
Astrid Drageset Raftevold (Sp): - Dette med idrettsarrangement og skisenter har skapt veldige diskusjonar, og det blir tolka ulikt.
Aud Løvlid (H): - Vi har sagt at det ikkje skal vere alkoholservering når renn pågår. No ligg det føre vedtak om at det heller ikkje skal seljast alkohol når trekka går.
