Stryn sitt damelag i fotball, 3. divisjon, serieopna fredag kveld mot Breimsbygda/Sandane på heimebane. Det var ingen av laga som utmerka seg spesielt i sesongstarten, og ved pause stod det 1-1. Breimsbygda/Sandane skåra først ved Eli Kristin Arnestad etter omlag halvspelt omgang.
Pernille Briksdal utlikna ti minutt seinare. Ho vann ein duell innanfor fem-meteren etter eit skot i tverrliggaren av Hege Renate Glosvik Espeland.
Eit kvarter ut i andre omgang kom sigersmålet til gjestane. Her var det Sandra Sårheim som fekk springe litt for lett igjennom og plasserte ballen forbi strynekeeperen ute ved 16-meteren.
Stryn kjempa bra mot ein motstandar som var gode til å forsvare seg, og som hadde ein svært god keeper i Maria Kleppe.