Omlag 50 meter med massivt fjell står mellom opningane i Vangbergstunnelen på fv. 60 som vil bli 1.170 meter lang.
Statens vegvesen ventar gjennomslag allereie i slutten av komande veke.
- Etter planen vil vi bryte igjennom tunnelen måndag 12. desember. Med gode forhold og flyt i arbeidet vil vi kunne få gjennomslag tidlegare. Kanskje allereie fredag, seier prosjektleiar i Statens vegvesen, Erling Varlid.
- Med gode forhold er framdrifta 10 meter pr. dag, får Fjordingen opplyst av ein representant frå Volda Maskin på staden.
Prosjektet er i rute og skal etter planen opne i juni 2018.
Varlid legg til at det vil bli heldt ei markering av gjennomslaget ved Ugla-sida av tunnelen 21. desember.