– Ein spennande dag, vi har sett fram til opninga seier salssjef i Coop Vest, Ronny Sørbotten.
Ordførar Sven Flo stod for den offisielle opninga av næringsdelen av det nye bygget i Setrevegen 2. Flo omtalte etableringa som særs positiv med tanke på vidare vekst i Stryn. Han var elles glad for at det er gjort plass til lokale mattilbod i butikken. Han såg også fram til at resten av bygget kjem i bruk.
– Lokalmatavdelinga vil ha tilbod alt etter sesong, og vi har verkeleg tru på konseptet seier Jon Myklebust i butikken. Det var mykje folk innom både apoteket og «coopen» torsdag etter at dørene opna.
