Overvakingskameraet som fangar opp trafikken ved Sparebanken Vest sin minibank og inngangsdør vart spraya med kvit måling ei stund før ransforsøket mot minibanken natt til torsdag.
- Overvakingskameraet som står montert på veggen ute vart sett ut av spel ei stund før alarmen gjekk ved minibanken, stadfestar lensmann Lasse Trosdahl overfor Fjordingen.
Då Fjordingen tok bilde av minibanken og overvakingskameraet torsdag morgon, såg vi ei tydeleg nyspraya kvitlakkert linse. Dette vil vere eitt av fleire spørsmål politiet vil ta opp med dei fire sikta som no er frakta tilbake til Stryn for avhøyr om det mislukka ransforsøket.