I dag startar VM i nordiske greiner i Lahti.
– Eg trur vi har bra sjansar til å kjempe om medaljer, seier landslagstrenar Alexander Stöckl til Fjordingen.
– Kva har det blitt fokusert på for dei hopparane som har vore heime for å «knekke koden»?
– Fokuset har vore fordelt på teknikk og tilpassing av utstyr. Og etter det eg har høyrt har resultata vore bra. Dei har trent på Lillehammer og i Holmenkollen og køyrt ganske låg fart, og det har sett positivt ut.
– Det har vore sagt at Norge har hamna litt i bakleksa når det gjeld utstyr, har det vore gjort noko med dressane?
– Det har vore jobba med forskjellige modellar, og vi har funne noko som ser lovande ut.
– Ut med det mykje omtalte beltet for å hindre disking for dressfeil?
– Nei, det er framleis der, det slepp vi ikkje unna!
– Kva forventningar har du til VM?
– Det er litt vanskeleg å seie fordi halvparten av laget ikkje var med i siste verdscuprenna. Men sidan dei som var heime har jobba bra og «gutta på tur» gjorde det bra, trur eg framleis vi har sjanse til å kjempe om medalje i alle konkurransar.
Programmet for hopparane under Lahti-VM:
Torsdag 23. februar13:00 - Kvalifisering, normalbakke (HS100), kvinner
Fredag 24. februar13:30 - Kvalifisering, normalbakke (HS100), menn16:30 - Normalbakke (HS100), kvinner
Laurdag 25. februar16:30 - Normalbakke (HS100), menn
Søndag 26. februar16:30 - Blanda lagkonkurranse (HS100)
Mandag 27. februarKviledag
Tysdag 28. februarKviledag
Onsdag 1. mars17:00 - Kvalifisering storbakke (HS130), menn
Torsdag 2. mars17:30 - Storbakke (HS130), menn
Fredag 3. marsKviledag
Laurdag 4. mars16:30 - Lagkonkurranse, menn