Det er betydeleg fare for snøras i indre Nordfjord. Faregraden er på nivå tre torsdag og fredag. Siste dagane har det kome ein del snø.
"Ver forsiktig i leområde der det samlar seg fokksnø, til dømes bak ryggar, i søkk og renneformasjonar. Det er lettast å løyse ut skred der fokksnølaget er tynt eller mjukt. Pågåande vind frå vest, tilgjengeleg ubunden snø og ny nedbør fører til snøtransport inn nord-sør-aust- renner, søkk og lesider. Dette aukar pålagring og byggjer opp fokksnøflak frå tregrensa og oppover. Faregraden vert vurdert til 3-betydeleg i områda som får mest nedbør, varslar varsom.no på nettstaden sin.