Nemnda for bevaring av Grobygget ønskjer oppheving av rivingsvedtaket og omdisponering av pengane sett av til rivinga.
I brev sendt kommuneadministrasjonen før påske ber Ola Bergset Ulvedal ved Frivilligsentralen, og på vegne av nemnda, at vedtaket om riving av Grobygget vert oppheva. Fleire lag og organisasjonar, samt ungdomar i bygda, ønskjer å ta i bruk bygget til ulike aktivitetar. Nemnda fekk tidlegare i vinter innvilga 150.000 kroner frå Riksantikvaren til opprusting.
I brevet til kommunen ber dei også om at millionen som er sett av til rivinga i staden vert nytta til rehabilitering.