– Hornindal kommune gratulerar. Vi er stolte av jobben de gjere. Det er ei prestisjefull utmerking for godt arbeid gjennom mange år, sa mellom anna ordførar Stig Olav Lødemel då han overrekte blomar. Kommunestyrerepresentantane synte også si takksemd ved å gi ekteparet Seljeset ståande applaus.

For å få Sølvtina frå Tine må ein levere såkalla Elitemjølk i 15 samanhengande år. Ein månad som blir rapportert dårleg, så må ein starte heilt på nytt.

- Bak denne veit vi det ligg yrkesstoltheit, gode hygienerutinar, grundig planlegging og ivaretaking av dyra på best muleg måte.

– Ja, her er ein avhengige av fleire folk for at dette skal gå i orden, sa Lars Seljeset.