Siste del av gangvegprosjektet i Holmøyane vart laurdag opna med tog, hornmusikk og kakefest.
Gangvegen I Holmøyane er bygd både til hygge og nytte. Det ligg mange dugnadstimar bak prosjektet som laurdag vart feira med tog og korpsmusikk av Hjelle skulemusikk. Turen gjekk frå Høgda bustadfelt til Holmøy brygge nedanfor gamle Holmøy arbeidsskule. Der stod kakebordet dekt for å feire trygg ferdsel for born og vaksne.
Arbeidet med gangveg har også skapt gode rasteplassar og parkeringstilhøve I skogsområdet. Dette har både bygdefolk og hytteeigarane glede av.