Utvik Vel og Utviklingslag har oppretta eit fond, der pengane skal gå til å byggje opp att tilbod til born og unge i bygda. Flaumen i bygda for ei veke sidan raserte viktige tilbod dei unge hadde i sentrum.

Under gudstenesta søndag, som var spesielt retta inn mot flaumsituasjonen, gjekk offergåva til dette fondet. Kari-Anne T. Haveland i Utvik sokneråd fortel til Fjordingen at det kom inn 10.710 kroner i offergåve.

Ho takkar alle som var med og deltok under gudstenesta.