Erdalen Beitelag får dispensasjon frå motorferdsellova til å nytte helikopter til frakt av stein og grus mellom Loppeset og Storesetra, avgrensa til 50 landingar. Beitelaget får også dispensasjon til å nytte lette gravemaskiner og andre reiskapar langs råsa.
Beitelaget har tidlegare fått midlar frå nasjonalparkstyret til å utbetre ferdslevegen frå Loppeset til Storeset. Grunngjevinga for løyvinga av midlar er at råsa er nedslitt og til dels farleg å ferdast på med storfe, stadvis også for folk som er lite vande i slikt terreng. Jostedalsbreen Nasjonalparkstyre har gjeve dispensasjon til den omsøkte motoriserte aktiviteten innanfor nasjonalparken sine grenser.
Miljøvernleiar i Stryn kommune, Odd Rønningen, skriv i si vurdering at når løyve er gjeve til den omsøkte motoriserte aktiviteten inne i nasjonalparken, er saka vurdert som kurant for kommunen sin del opp mot motorferdsellova. Dette fordi verneforskrifta vanlegvis har eit strengare vern mot motorisert ferdsle enn motorfersellova.
Løyvet gjeld fram til 1. november.