Det er alt gjort vedtak om at Stryn motorsport klubb skal få overta omlag 8 dekar i Stryn miljø- og næringspark. Onsdag godkjende Stryn formannskap kjøpskontrakta med motorsportklubben.
- Stryn Motorsportklubb får overta område H i Stryn Miljø- og næringspark. Pris blir fastsett til kr 225 000.-, vedtok formannskapet samrøystes.
I saksframlegget er det lagt til at Stryn kommune har liggande ledningsnett over det aktuelle arealet. - Det er 4 meter byggegrense til denne type infrastruktur, og tilgang/drifting av dette må sikrast for ettertida ved at det vert teke inn i skøyte. Det går ein open bekk over arealet som blant ann drenerer Skarsmyra. Når arealet eventuelt skal opparbeidast, må denne opparbeidast på ein måte som sikrar tilfredstillande overvasshandtering, skriv rådmannen.