Aldaheim i Olden vil bli presentert som «suksesshistorie 2014» under ein stor kulturbygg-konferanse i Fjærland i november.
Huset i bygda arrangerer konferansen saman med Sogn og Fjordane fylkeskommune.
- Olden ungdomslag arbeider for å skape meiningsfull aktivitet og magiske augenblink i Aldaheim. Deltakarane vil få vite meir om dei store planane deira om utvikling av bygget. Bygdehuset i Olden er eit ypparleg døme på eit lokalt kulturbygg som satsar og tilbyr spennande arrangement, seier prosjektleiar Ingunn Nydal i Huset i Bygda.
Konferansen er ei satsing på å få kulturbygga fylket endå meir på bana. Her skal ein blant anna informere om utvikling av bygga gjennom spelemidlar til ombygging, modernisering og universell utforming.
- Sogn og Fjordane Ungdomslag står bak satsinga Huset i bygda. Vi arbeider for å støtte og utvikle kulturbygga i fylket. Kulturbyggkonferansen er eit tilbod til dei som er engasjert i samfunnshus, bygdehus, grendehus, ungdomshus og andre organisasjonseigde kulturbygg. Kulturbyggkonferansen 2014 gir inspirasjon, kompetanseheving og informasjon til eldsjelene bak desse bygga, seier Nyheim i eit presseskriv.
