Hornindal Eigedomsutvikling AS fekk Hornindal kommune sin tiltakspris for 2014. Bak selskapet står Knut Sollid, Stig Olav Lødemel og Bottolf Grodås.
- Hornindal Eigedomsselskap har på få år gjort ferdig to bustadprosjekt i sentrumsområdet med totalt 17 bueiningar, og har no under oppføring 16 nye bueiningar, sa ordførar Anne-Britt Øen Nygård.
Knut Sollid som takka for tildelinga, ønskte at sjekken på 5.000 kroner skulle kome andre til gode.
- I desse budsjettider kan det passe å gje pengane vidare til innkjøp av utstyr som elevane på Hornindal skule får glede av i friminutta, sa Sollid.