Stryn kommune søkjer NVE-Region Vest om hjelp til utgreiing, planlegging og gjennomføring av sikringstiltak i Floelva i Innvik.
- Floelva i Innvik har fløymd over to gongar sidan 2013, og har ei lang historie. Saka starta i mai 1996 og det har vore fleire synfaringar både av NVE og Stryn kommune. NVE laga ein rapport om elva den 16. mai 2014, der problema blir påpeika. Etter at rapporten låg føre, fløymde elva over den 28. oktober 2014 og elva fekk større skader. Men heldigivs unngjekk ein skader på bygningar grunna at elva fylte seg opp med masse og skifta retning over dyrka mark, opplyser avdelingsingeniør Anders Maurset i førespurnaden til NVE-Region Vest.