Vil ikkje greie ut Nordfjord-alternativet

Hornindal formannskap deler Stryn sitt syn på at det er uaktuelt å greie ut forslag om ein felles kommune i Nordfjord.

- Vi må sjå på realistiske modellar. Å samle heile Nordfjord i ein kommune blir for utfordrande, konkluderte Stig Olav Lødemel (H). Han fekk støtte frå ordførar Anne-Britt Øen Nygård (Sp), Idar Nygård (V), Hilde Mjåtveit Lødemel (Ap) og Eldar Engelund (Sp). Det betyr at Hornindal formannskap  har samrøystes tilråding om utgreiing av dei samte åtte modellane som Stryn formannskap legg opp til:

Halde fram som eigen kommune, samanslåing med Stryn, samanslåing Hornindal, Stryn og Stranda, samanslåing Hornindal, Stryn, Stranda og Norddal, samanslåing Hornindal, Stryn, Ørsta og Volda, samanslåing Hornindal, Stryn og Gloppen, samanslåing Hornindal, Sryn og Eid, samanslåing Hornindal, Stryn, Eid og Gloppen.

Hornindal kommunestyre fattar endeleg vedtak på møtet 29. januar.