Førdefirmaet Klatrejungel as er i gang med å opprbeide klatrepark i området mellom Strynehallen og Stryn kulturhus. - Montering av utstyret startar kring 20. juni og klatreparken skal vere klar til bruk første veka i juli, opplyser Rune Berge til Fjordingen.
Klatrejungel as har hatt stor suksess med å tilby aktivitetsparkar som gjev spennande utfordringar.
- Med unntak av det 6,5 meter høge tårnet (to etasjar) og ein balansebom i tre, er klatreparken basert på tau og nett. Dette er eit bevisst val for at det iikkje skal vere så statisk, men derimot skape bevegelse og spenning. Gjennom fart bestemmer ein vanskegrada. I klatreparken blir det ei rundløype der ein t.d. kan leiike politi og røvar og sisten. Så her er massemoglegheiter, forklarar Rune Berge.
