Laurdag 11. april blir det sett opp ei ny framsyning av årets russerevy, «Strynerussen kastar inn handkledet».
Det er truleg første gong at det har blitt satt opp ei ekstraframsyning av ein russerevy i Stryn. Grunnen til dette er gode tilbakemeldingar frå publikum og stor etterspurnad etter billettar til årets revy. Men russen er heilt avhengig av at folk bestiller billettar no.
– Det er veldig kjekt at så mange vil sjå revyen vår, men dersom vi ikkje får selt nok billettar på førehand, blir vi nøydde til å avlyse ekstraframsyninga, seier revysjef Tine Nedreberg.