Stryn kommunestyre var torsdag kalla inn til ekstraordinært møte for å gje uttale til søknaden om etablering av desentralisert asylmottak.
Etter at dei ulike partia hadde fått fram sitt syn, enda det opp med fylgjande samrøystes fråsegn:
1. Stryn kommune oppmodar UDI om å stille krav til ei større spreiing av det omsøkte asylmottaket i Stryn kommune. Ei stor samling av asylsøkjarar i små bygdemiljø vil kunne skape konflikter.
2. Stryn kommune kan ikkje tilrå etablering av asylmottak slik søknaden ligg føre i dag.
3. Utover dette er kommunen budd på å stille opp og ta sin del av samfunnsansvaret.
4. Stryn kommune oppmodar UDI om å arbeide for å integrere asylsøkjarar som sit i mottak i dag med endeleg opphald i norske kommunar. Det er viktig for enkeltpersonane at dei vert tekne vare på og integrert i Noreg.