I dag og i morgon gjennomfører Statens vegvesen kontrollar av russebilar ved Nordfjordeid trafikkstasjon.
-Vi har som tidlegare god påmelding til kontrollen, noko som viser at russen ønskjer å ferdast i ein trygg russebil. I samarbeid med Sparebanken Sogn og Fjordane, skal den tryggaste bilen kårast, og resultatet vert offentleggjort måndag. Førstepremien er på 3.000 kroner, andrepremien på 2.000 kroner, opplyser Reidun Tryggestad.