På regnvêrsdagar er det ofte gratis internett som trekkjer turistar til turistinformasjonen i Stryn.
– Det er mange som sit her og brukar nettet. Ofte søkjer dei etter ting å gjere på i Stryn. Det er jo noko vi og kan hjelpe til med, smiler Leif Ståle Skår, som er på jobb i turistinformasjonen.
Dette er andre sommaren har jobbar her, og ifølgje han er ting stort sett ved det same, når det gjeld turistnæringa.
Han har ikkje merka noko auke i turiststraumen, ei heller ei endring i kvar turistane kjem frå. Spørsmåla er også framleis dei same.
– No går det litt på autopilot. Dei lurar på kva dei kan finne på, kvar det er fint å gå tur og kva stader dei bør oppleve. Det er flest tyskarar innom, seier han og viser fram statistikken over kvar turistane som er innom kontoret kjem frå.
