Anders Maurset lanserer i innspel til kommunedelplan forslag på ein vegtrase mellom Vinsrygg og Stryn skisenter.
Maurset viser til at ein slik veg vil avlaste Setrevegen gjennom bustadfelt med trafikk til skisenter og hyttefelt, gje alternativ tilkomstveg til øvste byggefeltet på Hol, samt tilkomst til eventuelt bustadfeltet på Tonningkamben og betre veg til toppen av Vinsrygg.
– Med den nye vegen vil ein få redusert spesielt tungtrafikken, og utfarten til hyttefelt/skisenter gjennom dagens bustadfelt. Dette trygge dei mjuke trafikantane. Med nytt samband mellom skisenteret og Vinsrygg får ein flott utsikt over fjorden, skriv Anders Maurset og gjev fylgjande konklusjon:
– Denne vegen bør realiserast i framtida då den kan løyse ut nye bustadfelt og trygge eksisterande bustadområde.