Hornindal kommune sitt Utval for utvikling avslo søknaden frå Hornindal og Stryn Produsentlag om støtte til kjøp av mjølkekvote. Vedtaket som var samrøystes, har fylgjande ordlyd: - Hornindal kommune verdset innsatsen mjølkeprodusentane gjer og ynskjer å bidra til ei positiv utvikling i landbruket i kommunen. Men med bakgrunn i Hornindal kommune sin økonomiske situasjon ser ikkje kommunen seg i  stand til å støtte produsentlaget sin søknad om støtte til kjøp av mjølkekvotar i Hornindal.