Bjørgvin bispedømeråd har tilsett Mari Saltkjel i den utlyste stillinga som sokneprest i Hornindal, Nordsida og Randabygd.
- Det var fem søkjarar til prestestillinga, som Saltkjel også tidlegare har vore tilsett i, opplyser avdelingsleiar Gunvor Taule Mjanger på Bjørgvin bispedømekontor i Bergen.
Mari Saltkjel vart første gong tilsett som sokneprest i Hornindal, Nordsida og Randabygd i august 2007. Ho tok til i stillinga i januar 2008.
- Av ymse grunnar har ho hatt permisjon og vore ute av stillinga sidan våren 2010. Ved utlysing av stillinga på nytt, har Saltkjel kome til at ho ønskjer å halde fram, seier Gunvor Taule Mjanger.