Denne veka er det BRÅTT-festival i Hornindal, med over 50 konsertar og kulturarrangement kring om i bygda. Dei fleste er "heime hos"-konsertar, men fire av konsertane vert arrangerte på offentleg stad.
Og på offentleg stad var festivalleiar og kvedar Unni Løvlid og felespelar Susanne Lundeng i høgste grad torsdag. Brått og uventa inntok dei to kommunestyresalen i Smia og underheldt begeistra politikarar og byråkratar med BRÅTT-innslag. Dette skjedde ved innleiinga av møtet i Hornindal kommunestyre.
Ein flott og festleg måte å starte kommunestyremøtet på.