Stryn og Hornindal er mellom ti kommunar i Sogn og Fjordane som får midlar til arbeid med lokal kulturminneplan i 2013. Dette har det fylkekommunale hovudutvalet for kultur vedteke.
Totalt er det tildelt 1,3 million kroner til dei ti kommunane. Stryn og Hornindal er tildelt 150.000 kroner kvar. Pengane skal gå til registreringsarbeid og utarbeiding av kulturminneplan.
Dei andre kommunane som får tildelt midlar, er Eid, Vågsøy, Fjaler, Gulen, Høyanger, Luster, Lærdal og Sogndal.