Det er no 1.135 heilt arbeidsledige i Sogn og Fjordane. Dette svarar til ein arbeidsløyseprosent på 2,0. På landsbasis er 2,6 prosent av arbeidsstyrken heilt utan arbeid. Berre Rogaland med 1,7 prosent har lågare arbeidsløyse enn Sogn og Fjordane.
Samanlikna med same tid i fjor, har arbeidsløysa i vårt fylke auka med 19 personar. Direktør for Nav Sogn og Fjordane, Tore Thorsnes, karaktereiserer auken som liten og kan forklarast med fleire permitterte i fiskeindustrien i år.
Det er stor variasjon mellom kommunane i fylket. Kystkommunane Selje og Vågsøy har høgast arbeidsløyse med høvesvis 5,2 prosent og 5,3 prosent. Lågast arbeidsløyse har Gulen med 0,4 prosent og Hyllestad med 0,5 prosent.
I Stryn kommune er arbeidsløysa 2,7 prosent, i Hornindal 1,0 prosent, i Gloppen 0,9 prosent og i Eid kommune 1,2 prosent