- Det er veldig fine forhold på breen. Vi har ein flott terrengpark og godt preppa løyper.
Det seier Magne Brekke, fungerande dagleg leiar på Stryn sommarskisenter. Sundag 7. juli er siste opningsdag for skisenteret på Tystigen. Brekke håpar mange tek turen før dei stengjer dørene for sesongen.
- Det er meldt godt vêr, så eg har trua på at det kjem ein del folk, seier han.
Det har minka kraftig på snøen i det siste, så stolheisen er no det beste alternativet når ein skal heilt ned.
